Αυτή η σελίδα δεν έχει ελεγχθεί ακόμη για πιθανά λάθη.
XIV.—ΚΥΝΙΣΚΑΣ ΕΡΩΣ
ΑΙΣΧΙΝΑΣ
Χαίρειν πολλὰ τὸν ἄνδρα Θυώνιχον.
ΘΥΩΝΙΧΟΣ
ἄλλα τοιαῦτα
Αἰσχίνᾳ.
ΑΙΣΧΙΝΑΣ
ὡς χρόνιος.
ΘΥΩΝΙΧΟΣ
χρόνιος. τί δέ τοι τὸ μέλημα;
ΑΙΣΧΙΝΑΣ
πράσσομες οὐχ ὡς λῷστα Θυώνιχε.
ΘΥΩΝΙΧΟΣ
ταῦτ᾽ ἄρα λεπτός,
χὠ μύσταξ πολὺς οὗτος, ἀϋσταλέοι δὲ κίκιννοι.
τοιοῦτος πρώαν τις ἀφίκετο Πυθαγορικτάς,
ὠχρὸς κἀνυπόδητος· Ἀθηναῖος δ᾽ ἔφατ᾽ ἦμεν.
ΑΙΣΧΙΝΑΣ
ἤρατο μὰν καὶ τῆνος;
ΘΥΩΝΙΧΟΣ
ἐμὶν δοκεῖ, ὀπτῶ ἀλεύρω.
ΑΙΣΧΙΝΑΣ
παίσδεις ὠγάθ᾽ ἔχων· ἐμὲ δ᾽ ἁ χαρίεσσα Κυνίσκα
ὑβρίσδει· λασῶ δὲ μανείς ποκα, θρὶξ ἀνὰ μέσσον.
166
