Cycli fragmenta collegerunt post Barnesium (t. iii. 98 sqq.) C. Gul. Müller de Cyclo Graecorum Epico et poetis cyclicis 1829, Fr. Dübner in ed. Homeri Didotiana a. 1833, Düntzer Die Fragmente der epischen Poesie der Griechen bis zur. Zeit Alexanders des Grossen. 1840, 1841, Welcker Der epische Cyclus ii. 495 sqq. a. 1849, G. Kinkel Epicorum Graecorum Fragmenta 1877. huiusce syllogae pauca accesserunt e libris papyraceis Herculanei semiustilatis, ubi fortasse et plura latent. invidit hucusque Aegyptus.
Chrestomathiam Proculi multo ante saeculum x in artius redactam omissis praecipue quae non ad bellum Troianum spectarent praefationi inservisse poematum Homericorum diu cognitum est: talem syllogen ad caput habuit cod. Venetus 454 vitam Homeri, Cypriorum, Aethiopidis, Parvae Iliados, Iliu persidos, Nostorum, Telegoniae enarrationes complexam: liber Scorialensis non ita multo post Venetum scriptus tantum vitam et Cypriorum paraphrasin habet, eadem codex Neapolitanus Taccone saeculi ut videtur xii, eadem etiam quattuor libri saec. xv qui et textum unum eundemque Iliadis praebent: scilicet Β 766 Φηρίη Ψ 244 βλείωμαι habent, quod de Monacensi affirmavit mihi vir humanissimus de Schoor: vitam solam plurimi continent. quo quidem fato evenerit ut inde a decimo saeculo e prolegomenis istis solae vita et Cypriorum enarratio propagatae sint maxime obscurum est, et alias erit inquirendum: interea Proculea quanta exstant duximus coniungenda esse.
vita Proculi Suidea: Πρόκλος ὁ Λύκιος, μαθητὴς Συριανοῦ, ἀκουστὴς δὲ καὶ Πλουτάρχου τοῦ Νεστορίου, τοῦ
