Ορφικοί ύμνοι/Διονύσου Βασσαρέως Τριετηρικού

Ὀρφικοὶ ὕμνοι Διονύσου Βασσαρέως Τριετηρικοῦ

Ἐλθέ, μάκαρ Διόνυσε, πυρίσπορε, ταυρομέτωπε,
Βάσσαρε καὶ Βακχεῦ, πολυώνυμε, παντοδυνάστα,
ὃς ξίφεσιν χαίρεις ἠδ’ αἵματι Μαινάσι θ’ ἁγναῖς,
εὐάζων κατ’ Ὄλυμπον, ἐρίβρομε, μανικὲ Βάκχε,

θυρσεγχής, βαρύμηνι, τετιμένε πᾶσι θεοῖσι 5
καὶ θνητοῖσι βροτοῖσιν, ὅσοι χθόνα ναιετάουσιν
ἐλθέ, μάκαρ, σκιρτητά, φέρων πολὺ γῆθος ἅπασι.