Επιστολές (Πλάτων)/10
| ←Ἐπιστολὴ Θ΄ | Ἐπιστολὴ Ι΄ Συγγραφέας: Ἐπιστολαὶ |
Ἐπιστολὴ ΙΑ΄→ |
| Plato. Platonis Opera, ed. John Burnet. Oxford University Press. 1903. |
[358γ] Πλάτων Ἀριστοδώρῳ εὖ πράττειν.
ἀκούω Δίωνος ἐν τοῖς μάλιστα ἑταῖρον εἶναί τέ σε νῦν καὶ γεγονέναι διὰ παντός, τὸ σοφώτατον ἦθος τῶν εἰς φιλοσοφίαν παρεχόμενον: τὸ γὰρ βέβαιον καὶ πιστὸν καὶ ὑγιές, τοῦτο ἐγώ φημι εἶναι τὴν ἀληθινὴν φιλοσοφίαν, τὰς δὲ ἄλλας τε καὶ εἰς ἄλλα τεινούσας σοφίας τε καὶ δεινότητας κομψότητας οἶμαι προσαγορεύων ὀρθῶς ὀνομάζειν. ἀλλ᾽ ἔρρωσό τε καὶ μένε ἐν τοῖς ἤθεσιν οἷσπερ καὶ νῦν μένεις.